Falak Tak!!!

Aakhir uss falak tak pauhauchna hai hume!!

Koi humare sang ho na ho magar khudke sang rehna hai hume!!

Kya pata vakt ki vafa sath de na de magar nazakat nawazni hai hume!!!


falak ki nazakat

Tumhe aaj bhi chahte hai hum; 

voh iztiraar aaj bhi mehsoos hoti hai hume; jaise ki tum mere saamne khade ho!!!

voh bepannah mohobbat aaj bhi  mehtaab ki tarah muskura uthti hai jab tumhara zikr sunti hai!!

uss falak ka armaan bhi sharma uthta hai jab tumhari yaadon ka izhaar hota hai iss dil me!!

Aasmaan ke uss aaftaab aur mehtaab jaisi mohobbat naseeb hai hum dono ka!

Aapki aankhon ke aaj bhi mastaane hai hum! Inn afsaano ko humara gunah nahi keh sakte aap!

Jante hai kyu?

kyuki jis tarah humse iss mohobbat ko jayas saabit krne ke lie iss kaaenaat ki adalat ne saboot maange the; toh voh tumhe kaise baksh denge!!

Magar aaj bhi hum tumhe hi sarvada sahi maanenge!

mere rooh se nikle voh mohobbat ke alfaaz aaj bhale hi tumhare lie muhroom ho gaye ho, magar humare lie voh aaj bhi zindagi se zyada ahemiyat rakhte hai!


<!––– –>

Hum nahi jaante aaj kaha hoge tum; hum nahi jaante kis haal me hoge tum?

Magar fir bhi khuda ke saamne khudse pehle tumhara zikr hota hai!!

voh dua poori hogi ya nahi, nahi jaante hum; voh armaan khil khilaenge ya nahi, nahi jaante hum;

Magar fir bhi agr zara bhi qurbat bachi ho humare lie aapke dil me; toh iss dua me ‘aameen-aameen’ dauhaurakr maan rakh lijiega humara!

Duniya dewana samajhti hai hume; par voh khayaal hume kabhi narazgi nahi deta!

Zindagi gulzaar si toh tab lagne lgti hai ; jab voh hi duniya tumhari vafa me khot dhund lati hai !

zindagi me mohobbat ka paudha lagane se pehle, zameen parakh leni chahiye; kyuki har mitti ki fitrat me vafa nahi hoti!!

khayalon me bhi aur khwabon me bhi  ghar kar gaye the tum! par kya kabhi tumhari yaadon me hum hue bhi the? Nahi jaante hum!!

Iss kaaenaat me kya kabhi koi aisa hoga jo humdard ban paega? Nahi jaante hum!

Magar itna toh jaante hai;

Hum jab bhi jag rhe the yeh

duniya humesha so rahi thi!

hum jab bhi tumhe chahte rahe the;

tum humesha apne sapne bunte rahe;

koi nahi tha humare sath

magar hum jab bhi roe

sirf ek baarish humare saath roti rahi!


<!––– –>

us falak ke khwab ab dobaara bun too nahi sakte hum

magar  iss safar mei khudse utni hi ruhaniyat  se mohabbat karne sikh  lia hai humne!

uss khwabeeda duniya me rehna toh pasand hai hume!

par uss duniya mei jeena chod dia hai humne!

utni hi shiddat aur nazakat se naya mahal jarur banaenge hum,

Aakhir uss falak tak pauchna hai hume!

Responses

Your email address will not be published.

+