Humara Ek Naayab Farishta: MAA

Humari maa ek voh rubai hai jiske bina humari zindagi ka har pal  tanha hai!

voh poonam ki raat ka voh mehtaab hai humari zindagi me jiska noor hi humare andhere ki marammatt kr skta hai

 


Humari maa aur kuch nahi ; sirf ek kudrat ka faarishta tha!

unki tabassum ko ab kya hi darshau, aafreen ke alawa koi aur shabd jachta hi nahi!

aaftaab ki kirne bhi kya hi Ruhaniyat barsati hongi? Utni ruhaniyat hume unki ek jhalak me uns ke rup me milti hai!

isiliye kehte hai humari maa aur kuch nahi sirf ek kudrat ka farishta hai!

Voh kabhi-kabhi badi maasumiyat se humse puchti hai; “kya mai thik lag rahi hu”?

Ab unhe kya hi kahe; Aapki ye maasumiyat dekhne ke lie har din tadapte hai hum! Aapki voh uns ki inayat paane ke baad mere har harfe me sukoon aur nawaazish jhalakti hai; kaise samjhaye unhe!

Isiliye har baar dauhraate hai; Humari maa aur kuch nahi : sirf ek kudrat ka farishta hai!

Khuda ke farishte bhi kya jaan barsaate honge;  Voh humare lie roz marti hai!

Kaaenaat ki khubsoorti me bhi kya hi itni chamak hogi; Jo ek baar unke aanchal me sar rakhkar milti hai hume!

Khuda ke dar par bhi kahan itna sukoon milega ; jo unke sath hone se milta hai hume!

Sirf isiliye hi maante hai; Humari maa aur kuch nahi ; sirf ek kudrat ka farishta hai!

Voh rooh me basti hai humari!

Log kabhi-kabhi humse badi bechaini se pucha krte hai ; “kya tumhari zindagi me koi shaks khaas nahi”?

Ab unse kya hi lavz baate? humare paas kudrat ka sabse naayab heera hai ; jise hum pyaar se maa bulate hai!

Ab hum unn logon ko kya hi kahe toh sirf ek hi chiz pyaar se bolkr nikl jaate hai; ” Humare paas dil nahi hai! kyuki voh humari maa ke paas reh gaya tha”!

Voh log samajh toh nahi paate ; par fir bhi muskura dia krte hai!

Isiliye fir sochte hai; Humari maa aur kuch nahi; sirf ek kudrat ka farishta hai!!!

Responses

Your email address will not be published.

+